香港疫情突然反彈,香港書展2020至今仍有變數,有唔少讀者都心大心細,唔知仲參唔參加活動好。如果小編話唔想生意好就一定係呃你,但呢個時間我哋希望保障返作者同讀者健康為先。我哋好明白書展係唔少讀者同作家一年一度嘅聚會,但我哋亦相信呢啲機會唔會只有一次。與其要大家十五十六又提心吊膽,我哋不如索性將聚會取消,留待日後大家高高興興地重聚啦。

所以,今年星夜.夢繪的攤位(1A-E16)內將不會舉辦任何作者活動。小編在此代表夢繪文創感謝各作者朋友體諒。讀者亦不用失望,待疫情過去,我哋會盡量安排其他途徑畀大家搵作者簽名或即場交流,總之大家保重,有緣我哋總會相見。

嚟緊我哋將會繼續介紹各本新書,除咗喺書展現場外,各大書店都會有得賣,稍後我哋都會安排網購。大家衡量風險,選擇合適嘅方法支持喜歡嘅作者啦!